«Սամվել Կարապետյանի գործը նողկալի քաղաքական հետապնդում է»․ Սոս Հակոբյան

Գործարար Սամվել Կարապետյանի դեպքը Հայաստանի ժամանակակից պատմության ամենաամոթալի և նողկալի քաղաքական հետապնդումներից մեկն է։

Այս մասին RT-ին տված հարցազրույցում հայտարարել է «Հայրենիք» կուսակցության մամուլի քարտուղար, փաստաբան Սոս Հակոբյանը։

«Մենք գործ ունենք հայտնի բարերարի սահմանադրական հիմնարար իրավունքների կոպիտ խախտումների հետ», - ընդգծել է նա։

Փաստաբանի խոսքով՝ Կարապետյանի դեմ իշխանության զավթման կոչ անելու մեղադրանքները անհիմն են. նման խոսքեր իրականում չեն եղել։ Նա նաև նշել է, որ ամեն «հուզական ճիչ» հանցագործություն չէ։

Ավելի վաղ հայ քաղաքագետ Արթուր Խաչիկյանը RT-ին տված հարցազրույցում իշխանությունների գործողությունները գործարար Սամվել Կարապետյանի նկատմամբ անվանել է լիակատար ահաբեկչություն։