Իսրայելի բանակը Գազայի բնակիչներին կոչ է արել տարհանվել 48 ժամվա ընթացքում

582

Չորեքշաբթի, 17 սեպտեմբերի, 2025 թ., 20:20

Իսրայելի պաշտպանության ուժերը (IDF) Գազա քաղաքի բնակիչներին 48 ժամ են տվել գլխավոր մայրուղու երկայնքով նոր երթուղով դեպի անկլավի կենտրոնական և հարավային շրջաններ տարհանվելու համար։ Այս մասին նշվում է Իսրայելի բանակի մամուլի ծառայության արաբերեն հայտարարության մեջ։

«Կարևոր հայտարարություն Իսրայելի պաշտպանության ուժերից Գազա քաղաքի և նրա հարակից տարածքների բնակիչների համար. հարավային ուղղությամբ տարհանումը հեշտացնելու համար բացվել է ժամանակավոր երթուղի Սալահ ադ-Դին մայրուղով (Գազայի հատվածի երկու տրանսպորտային մայրուղիներից մեկը՝ հյուսիսի և հարավի միջև - խմբ.)… Ճանապարհը բաց կլինի 48 ժամ՝ չորեքշաբթի, ժամը 12:00-ից մինչև ուրբաթ, ժամը 12:00-ն»,- նշվում է հայտարարության մեջ։

Նշվել է նաև, որ Միջերկրական ծովի ափով անցնող ալ-Ռաշիդ մայրուղին բաց է մնում քաղաքից տարհանման համար։