Երևանում 5 ամիս առաջ կրակոցների հետևանքով վիրավորված օտարերկրացին մահացել է

390

Կիրակի, 21 սեպտեմբերի, 2025 թ., 23:18

Ֆոտոլրագրող Գագիկ Շամշյանի տեղեկություններով՝ սեպտեմբերի 18-ին Երևանի բժշկական կենտրոններից մեկում մահացել է օտարերկրացի տղամարդ, որը գլխի մասում հրազենային վնասվածք էր ստացել այս տարվա ապրիլի 14-ին Մաշտոցի պողոտա 15 շենքի դիմաց հնչած կրակոցների հետևանքով:

Նա ծայրահեղ ծանր վիճակում տեղափոխվել էր հիվանդանոց և առաջին իսկ օրվանից գտնվում էր կոմայի մեջ։ Նա իր վարած «Cadillac» մակնիշի ավտոմեքենայի մեջ է եղել, և ըստ ձեռք բերված ապացույցների, նա մասնակցություն չի ունեցել կրակոցներին, սակայն հրազենային վնասվածք է ստացել: