«Վաղարշապատում ՔՊ-ն հաղթելու շանսեր չունի»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «ՔՊ կուսակցությունը պարտվել է Գյումրիում, խոշոր հաշվով պարտություն է կրել Փարաքար համայնքի ավագանու ընտրություններում։ Վաղարշապատ համայնքի ընտրություններում ՔՊ-ն հաղթելու շանսեր չունի, նրա միակ հնարավորությունը ընտրություններից հետո նորընտիր ավագանու կազմում ինչ-որ քաղաքական ուժի կամ ուժերի հետ կոալիցիա կազմելն ու իշխանություն վերցնելն է։ Սակայն գրեթե անհնար է գտնել ընտրողների վստահության քվեն ստացած քաղաքական ուժ, որը ցանկանա ՔՊ-ի հետ կոալիցիա կազմել, նրա հետ կիսել պատասխանատվությունը Հայաստանի կրած պարտությունների, կապիտուլյացիայի, պետական բյուջեն անխնա մսխելու, կատարված ապօրինությունների և այլնի համար։ Նոյեմբերի 17-ին Վաղարշապատ համայնքում ՔՊ-ին սպասում է ՏԻՄ ընտրություններում 3-րդ անընդմեջ պարտությունը։ Իմ գրածը չի նշանակում, թե ընդդիմությանը հեշտ հաղթանակ է սպասում, շատ լարված պայքար է լինելու»։