2026 թվականի ձմեռային օլիմպիական խաղերի օլիմպիական կրակը վառվեց Հունաստանում

14953

Չորեքշաբթի, 26 նոյեմբերի, 2025 թ., 23:30

Իտալիայում կայանալիք ձմեռային օլիմպիական խաղերի կրակի վառման արարողությունն է տեղի ունեցել Հին Օլիմպիայում։

Ձմեռային օլիմպիական խաղերը կանցկացվեն 2026 թվականի փետրվարի 6-ից 22-ը Միլանում և Կորտինա դ'Ամպեցոյում։ Ջահի վառման արարողությանը ներկա էին Հունաստանի նախագահ Կոնստանտինոս Տասուլասը, ՄՕԿ-ի նախագահ Քիրստի Քովենթրին, ՄՕԿ-ի պատվավոր նախագահ Թոմաս Բախը, ՄՕԿ-ի կազմկոմիտեի նախագահ Ջովաննի Մալագոն և այլ պաշտոնական ներկայացուցիչներ։

Վատ եղանակի պատճառով տոնակատարությունը հին մարզադաշտից տեղափոխվել է Հնագիտական թանգարան։ Ջահը վառվել է արևի ճառագայթի միջոցով։ Գերագույն քրմուհու դերը խաղացել է հույն դերասանուհի Մարիա Մինան։ Նա կրակը հանձնել է փոխանցավազքի առաջին մասնակցին՝ 2024 թվականի օլիմպիական խաղերի թիավարության բրոնզե մեդալակիր Պետրոս Գայդացիսին։

Փոխանցումավազքը կավարտվի դեկտեմբերի 4-ին Աթենքի Պանաթինայիկ մարզադաշտում՝ մոտ 450 ջահակիրների մասնակցությամբ: Այնուհետև ջահը կհանձնվի Իտալիայում կայանալիք Խաղերի կազմակերպիչներին: Երթուղու իտալական հատվածը կսկսվի դեկտեմբերի 6-ին Հռոմում և կընդգրկի ամբողջ երկիրը, ներառյալ Սիցիլիան և Սարդինիան: Ճանապարհորդությունը կավարտվի փետրվարի 6-ին Միլանի «Սան Սիրո» մարզադաշտում՝ Օլիմպիական խաղերի բացման օրը: