Ուրբաթ, 30 հոկտեմբերի, 2026 թ.
|
Ստեփանակերտում`   +7 °C

Գիտնականները վերականգնել են ամերիկացիների 8500-ամյա նախնու արտաքինը

Գիտնականները վերականգնել են ամերիկացիների 8500-ամյա նախնու արտաքինը
18542
Կիրակի, 25 հունվարի, 2026 թ., 17:07

Բրազիլացի գիտնականները ստեղծել են հյուսիսամերիկացիների հնագույն նախնու՝ Քենևիկյան մարդու դեմքի եռաչափ պատկերը: Գիտնականների խոսքով՝ սա «ուժեղ և դիմացկուն մարդու» դեմք է, իսկ նրա դիմագծերը վկայում են «գոյատեւման ռեժիմում մշտական ֆիզիկական աշխատանքով ապրելու» մասին: Այս մասին հաղորդում է Sky News-ը:

Քենևիկյան մարդու լավ պահպանված մնացորդները հայտնաբերվել են Վաշինգթոն նահանգում՝ Քենևիկ քաղաքի մոտակայքում, 1996 թվականին: Գտածոյի ռադիոածխածնային վերլուծությունը ցույց է տվել, որ այդ մարդն ապրել է մոտ 8,5 հազար տարի առաջ, մահացել է 40-55 տարեկան հասակում և թաղվել: Նրա արտաքին տեսքը վերականգնվել է լավ պահպանված գանգի միջոցով եռաչափ մոդելավորման օգնությամբ՝ հիմնվելով «անատոմիայի գիտելիքների և վիճակագրության» վրա:

Գիտնականները նշում են, որ այս վերականգնումը թույլ է տալիս բավականին ճշգրիտ վերականգնել արտաքին տեսքը, բացառությամբ այնպիսի մանրամասների, ինչպիսիք են մաշկի գույնը և դեմքի ու գլխի մազերի բաշխումը: Հետևաբար, մորուքի, բեղերի և սանրվածքի ձևը մոդելավորվել է «առկա գիտելիքների և տվյալների» հիման վրա ծրագրային ապահովման միջոցով: Ավելին, մնացորդների վերլուծությունը բացահայտել է անհատի կողմից ստացած բազմաթիվ վնասվածքներ, այդ թվում՝ կոտրվածքներ և վերքեր, որոնցից մի քանիսը կարող էին մահվան պատճառ լինել:

Կարդացե՛ք նաև