Չորեքշաբթի, 11 մարտի, 2026 թ.
|
Ստեփանակերտում`   +2 °C

«Ծովինար» ջրամբարում կին է ջրահեղձ եղել․ դին չի հայտնաբերվել

«Ծովինար» ջրամբարում կին է ջրահեղձ եղել․ դին չի հայտնաբերվել
111
Այսօր, 19:00

Այսօր՝ մարտի 11-ին, առեղծվածային ու ողբերգական դեպք է տեղի ունեցել Կոտայքի մարզում։ Ժամը 15։10-ի սահմաններում ՀՀ Ներքին գործերի նախարարության Փրկարար ծառայության Կոտայքի մարզային փրկարարական վարչության օպերատիվ կառավարման կենտրոն ահազանգ է ստացվել, որ մի քաղաքացի Հրազդան քաղաքի վարչական տարածքում՝ ժողովրդին հայտնի «Ծովինար» ջրամբարում, հավանաբար ջրահեղձ է եղել։ Մոտ 2 ժամ ջրասուզակը նույնպես որոնողական աշխատանքներ է կատարել, սակայն դին չի հայտնաբերվել։

Այս պահին որոնողական աշխատանքները ժամանակավորապես դադարեցվել են, վերսկսվելու են վաղն՝ առավոտյան։ Ֆոտոլրագրող Գագիկ Շամշյանի տեղեկություններով՝ որոնվողը Կոտայքի մարզի բնակիչ 72-ամյա Ամալյա Ս․-ն է․ ջրամբարի ափին նրա գլխարկն է հայտնաբերվել։