«Աջակցել եմ նրան վերընտրվելու հարցում». Դոնալդ Թրամփը շնորհավորել է Նիկոլ Փաշինյանին

ԱՄՆ-ի նախագահ Դոնալդ Թրամփը շնորհավորել է Հայաստանի վարչապետ Նիկոլ Փաշինյանին համապետական ընտրություններում նրա կուսակցության հաղթանակի կապակցությամբ՝ նշելով, որ նախկինում աջակցել է նրա վերընտրվելուն։
«Շնորհավորում եմ Նիկոլ Փաշինյանին Հայաստանի համապետական ընտրություններում տարած վստահ հաղթանակի կապակցությամբ։ Ես շատ հպարտ եմ, որ աջակցել եմ նրան վերընտրվելու հարցում, և կասկած չունեմ, որ նրա ղեկավարությամբ Հայաստան գեղեցիկ երկիրը կհասնի մեծ հաջողությունների ու բարգավաճման այնպիսի մակարդակի, որը կգերազանցի բոլորի ամենահավակնոտ ակնկալիքները»,- հայտարարել է Թրամփը։

Ըստ նրա՝ ընտրությունների արդյունքները Հայաստանի համար հնարավորություններ են բացում պետության հետագա զարգացման և ամրապնդման համար։