«Զինեդին Զիդանը կդառնա Ֆրանսիայի ազգային հավաքականի նոր գլխավոր մարզիչը»․ Ֆաբրիցիո Ռոմանո

Զինեդին Զիդանը կգլխավորի Ֆրանսիայի ֆուտբոլի ազգային հավաքականը 2026 թվականի աշխարհի առաջնության ավարտից հետո։ Այդ մասին X-ի իր էջում հայտնել է լրագրող Ֆաբրիցիո Ռոմանոն։

«Դիդիե Դեշամի՝ որպես Ֆրանսիայի հավաքականի գլխավոր մարզչի պաշտոնավարման ժամկետը մոտենում է ավարտին։ Ամեն ինչ ավարտվեց։ Աշխարհի առաջնությունում երրորդ/չորրորդ տեղի համար հանդիպումը կլինի վերջինը, իսկ հետո նա հրաժեշտ կտա… և կսկսվի Զինեդին Զիդանի դարաշրջանը»,- գրել է նա։

Նշենք, որ երեկ Ֆրանսիայի հավաքականը չի կարողացել հասնել 2026 թվականի աշխարհի առաջնության եզրափակիչ։ Կիսաեզրափակչում Ֆրանսիան 0-2 հաշվով պարտվել է Իսպանիային։