«Սա ավելի շատ վրեժխնդրության է նման»․ Տիգրան Մարտիրոսյան

«Ընդհանուր, որ նայում եմ Ծառուկյանի բիզնեսների հետ կապված իրադարձությունները, մտածում եմ, որ սա ինչ-որ գործի հետ կապված չէ, սա ավելի շատ վրեժխնդրության է նման»,- լրագրողների հետ զրույցում ասաց ծանրամարտիկ, Եվրոպայի և աշխարհի չեմպիոն Տիգրան Մարտիրոսյանը։ «Ես տեսել եմ կադրերը, թե իր տանն ինչպես են ձերբակալում, տնից տանում, իրոք շատ անդուր է, նման բան անել չի կարելի, դա արդեն կարմիր գծեր հատել է։ Այդ մարդը տարիք ունի, անցած ճանապարհ ունի, որը պետք է հարգել»,- նշեց ծանրամարտիկը՝ հավելելով, որ տարիներ առաջ Ծառուկյանն է աջակցել իրեն, հիմա էլ ժամանակն է, որ ինքն իր աջակցությունը հայտնի նրան։