«Հասարակությունն ու փողոցն են որոշելու այս գործերի ճակատագիրը»․ Սուրեն Սուրենյանց

«Ամեն օր պետական պրոպագանդան հայտարարում է, թե սա վերցրեցինք Ծառուկյանից, այս մեկը․ սա ընդամենը քարոզչական ֆոն է. ունեզրկումն այդքան հեշտ պրոցես չէ, ինչպես իշխանությունները ներկայացնում են»,- քննչականի դիմաց լրագրողների հետ զրույցում ասաց քաղաքագետ Սուրեն Սուրենյանցը։ «Ոչ ոք չի չեղարկել արդարադատության հասնելու միջազգային գործիքակազմը և բոլոր այն սեփականությունները, որոնց նկատմամբ ոտնձգություն է կատարվում, վերադարձվելու են իրենց օրինական տիրոջը։ Սեփականության իրավունքն աշխարհում ամենաանձեռնմխելի իրավունքներից մեկն է»,- նշեց քաղաքագետը և շարունակեց․ «Թող հասարակության մոտ տպավորություն չլինի, որ իշխանությունը հարձակվել է, մենք էլ խելոք նստած, սպասում ենք․ դիմադրություն է լինելու՝ և՛ իրավական, և՛ քաղաքական, և՛ հանրային։ Հասարակությունն ու փողոցն են որոշելու այս գործերի ճակատագիրը»։