«Հայաստանի քաղաքական դաշտն այդպես էլ մնաց կենացների մակարդակում»․ Բորիս Մուրազի

Լրագրող Բորիս Մուրազին ֆեյսբուքյան իր էջում գրել է. «Աշխարհում հենց այս պահին ընթանում են մի շարք հակամարտություններ, որոնց հիմքում նավթի և գազի պաշարներն են կամ դրանց տարանցման ուղիների վերահսկողությունը։ Անդրազգային կորպորացիաները միլիարդավոր դոլարներ են ներդնում նոր հանքավայրերի հայտնաբերման և շահագործման համար։ Աշխարհի գերտերություններն իրենց արտաքին քաղաքականության կարևոր ուղղություններից մեկը շարունակում են կառուցել էներգակիրների շուրջ։
Եվ այս ֆոնին մարդիկ հայտարարում են, թե նավթի դարաշրջանն ավարտվում է։
Հայաստանի քաղաքական դաշտն այդպես էլ մնաց կենացների մակարդակում։
Հ․Գ․ Մի եզդի պապիկ կար։ Հարսանիքներին մի կենաց էր ասում. «Աշխարհում թող խաղաղություն լինի... Ջհանդամ, թե պատերազմ չի լինի»։
Հիմա, ոնց նայում եմ, այդ պապիկը բավական լուրջ գործիչ կլիներ»։