«Ասում են՝ հելեք ստեղից, ծառ ենք դնում ձեր տեղը»․ իրավիճակը՝ Աջափնյակում

«Միտումնավոր մեզ ժամանակ չտվեցին՝ դատարան դիմելու, եթե օրինական կարգով ժամանակ տային, բոլորս կդիմենք դատարան և համապատասխան թղթերը ձեռք կբերեինք։ Մի հատ կիրակի՝ ոչ աշխատանքային օրով զգուշացրել են, ու երեկ էլ երեկոյան ուզում էին քանդել, մինչև դատարանի թուղթը կտան։ Ուզում են քանդեն, նկարեն, թե ապամոնտաժում են անօրինական կառույցները, բայց դրանք անօրինական չեն, ունեն կադաստրի վկայական»,- Շինարարների փողոցում, որտեղ նախատեսվում է քանդել կրպակները, ասաց տնտեսվարողներից մեկը։

«Ասում են՝ հելեք ստեղից, ծառ ենք դնում ձեր տեղը, նույնիսկ չէին ուզում ժամանակ տալ, որ մարդիկ իրենց գույքը հանեն»,- նշեց նա։