Երեքշաբթի, 02 հունիսի, 2020 թ.
|
Ստեփանակերտում`   +14 °C

«Ո՞ւր ա էդ լիրբը, իրան լրբի տեղ դրեց, չոքեց ոտքերիս տակ». զոհված զինծառայողի մայր

«Ո՞ւր ա էդ լիրբը, իրան լրբի տեղ դրեց, չոքեց ոտքերիս տակ». զոհված զինծառայողի մայր
1057
Հինգշաբթի, 26 դեկտեմբերի, 2019 թ., 13:10

«Իմ երեխուն սպանել են, ինձ բան չեն ասել, գոնե ինձ զանգեին ասեին՝ բալա ջան, քո երեխեն զոհվել ա: Ուրիշ անգամ, մի բան լինում ա, արագ հայտարարություն են դնում, ինչի՞ մի տող չգրեցին»,- կառավարության շենքի դիմաց բղավում էր արդարություն պահանջող Արցախի բանակի մարտական հենակետերից մեկում զոհված եզդի զինծառայող Արթուր Աջամյանի մայրը:

«Տղաս ոչ մի բողոք չի ներկայացրել բանակից, ինչքան զանգում էի, ասում էր՝ հրամանատարի հետ լավ եմ, օֆիցերի հետ լավ եմ, սերժանտների հետ լավ եմ.... ու ես չգիտեմ՝ իմ երեխեն անմեղ տեղն ինչի՞ կոտորվեց: Ես պահանջում եմ վաշտի բոլոր պատասխանատուները գան, ասեն, թե ինչի իմ էրեխեն էսպես եղավ:

Խնդրում եմ ձեզ՝ թույլ տվեք մտնեմ Նիկոլ Փաշինյանի մոտ, իրեն տեսնեմ, խնդրեմ՝ բացահայտեն: Ես վիրավորի հետ էլ եմ ուզում խոսել, տեսնեմ՝ ի՞նչ է ասում...

Նաիրա Զոհրաբյան, ո՞ւր ա էդ լիրբը, իրան լրբի տեղ դրեց, չոքեց ոտքերիս տակն, ասեց՝ ես քո հետ եմ, ինչի՞ համար, թո՛ղ ինքն էլ գա էստեղ... Անդրանիկ Քոչարյանը փափուկ բարձ դրեց գլխիս տակ, ասեց՝ տիկին ջան, դու գնա քո երեխու արարողությունն արա, հողին հանձնի, ես քո կողքին կանգնած եմ: Հիմա զանգում եմ Անդրանիկ Քոչարյանին՝ զանգերիս չի պատասխանում»,- ասում էր զայրացած մայրը:

Հիշեցնենք, որ դեկտեմբերի 4-ին, մահացած զինվորի հարազատները գնացել էին Ազգային ժողովի բակ և հանդիպել «Իմ քայլը» խմբակցության պատգամավոր Անդրանիկ Քոչարյանի և ԲՀԿ-ական պատգամավոր Նաիրա Զոհրաբյանի հետ: Վերջիններս խոստացել էին՝ արագ և օբյեկտիվ քննություն իրականացնել։

Հիշեցնենք նաև, որ դեկտեմբերի 2-ին՝ ժամը 06:50-ի սահմանում, ՊԲ հյուսիս-արևելյան ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 1998թ. ծնված Արթուր Իշխանի Աջամյանը, իսկ զինծառայող, 1999թ. ծնված Դավիթ Հարությունի Մելիքբեկյանը վիրավորվել է:

«Ո՞ւր ա էդ լիրբը, իրան լրբի տեղ դրեց, չոքեց ոտքերիս տակ». զոհված զինծառայողի մայր Տեսանյութը` Factor TV-ի