Ուրբաթ, 29 մարտի, 2024 թ.
|
Ստեփանակերտում`   +16 °C

Թուրքիան լրացուցիչ զորքեր է ուղարկել Սիրիա. #SkyNewsArabia

Թուրքիան լրացուցիչ զորքեր է ուղարկել Սիրիա. #SkyNewsArabia
688
Չորեքշաբթի, 12 փետրվարի, 2020 թ., 15:15

Թուրքիան լրացուցիչ զորքեր է ուղարկել Սիրիա, հայտնում է Sky News Arabia-ն՝ վկայակոչելով իր աղբյուրներին:
Ըստ հեռուստաալիքի՝ թուրքական զորքերն արդեն հատել են սիրիական սահմանն ու շարժվել դեպի Հալեպի արևմտյան շրջանների ուղղությամբ: Ինչպես նշում է հեռուստաալիքը, թուրք զինվորականներն ստեղծում են հսկողության նոր կետ, որը կտեղակայվի Աթարիբ ու Էլ-Ջինա բնակավայրերի միջև գտնվող տարածքում:
Լրատվամիջոցները նշում են, որ թուրքական ուժերի տեղափոխումը Սիրիա շարունակվում է վերջին մի քանի օրերի ընթացքում:
Թուրքիայի նախագահ Ռեջեփ Թայիփ Էրդողանը մեղադրել է Սիրիայի առաջնորդ Բաշար Ասադին և ռուսական զինված ուժերին Իդլիբում քաղաքացիական անձանց վրա հարձակման մեջ:
Էրդողանը նաև սպառնացել է, որ եթե Իդլիբում անգամ մեկ թուրք զինծառայող վիրավորվի, ապա Թուրքիան հարվածներ կհասցնի սիրիական զորքերի ուղղությամբ, հայտնում է Reuters-ը:
Փետրվարի 12-ին ՌԴ նախագահ Վլադիմիր Պուտինն ու Թուրքիայի նախագահ Ռեջեփ Թայիփ Էրդողանը հեռախոսազրույցի ընթացքում քննարկել են սիրիական հարցի կարգավորումը: Ինչպես հայտնում է Կրեմլի մամուլի ծառայությունը, հեռախոսազրույցը տեղի է ունեցել թուրքական կողմի նախաձեռնությամբ: