Ո՞ր քաղաքներին և երկրներին է սպառնում մեկուսացումը

1 մլն զոհ և 31,5 միլիոն հիվանդ. սա է կորոնավիրուսի վիճակագրությունը, և ամեն օր ավելանում են 100 000-ավոր վարակված մարդիկ։ Եվրոպական երկրները կրկին դադարեցնում են տնտեսությունն ու հասարակական կյանքը։

Մեծ Բրիտանիայի վարչապետ Բորիս Ջոնսոնը կանխատեսում է, որ դա առնվազն կես տարի կտևի. «Եթե մարդիկ չենթարկվեն, մենք իրավունք ունենք ավելի հեռուն գնալու»,- Բորիս Ջոնսոնը նախազգուշացրել է բրիտանացիներին։ Նա նկատի է ունեցել ոստիկանական վերահսկողության ուժեղացումը և նույնիսկ զինվորականների օգնությունը։

Այս շաբաթից Անգլիայում չի կարելի բարերում սնունդ պատվիրել, և հասարակական վայրերն ավելի շուտ կփակվեն, տաքսիում՝ միայն դիմակներով, հարսանիքին՝ ոչ ավելի, քան 15 մարդ, հուղարկավորությանը՝ ոչ ավելի, քան 30 մարդ։ «Վեցի կանոնը» հավաքների սահմանափակումն է, և այժմ առաջին խախտման համար տուգանքը ոչ թե 100, այլ 200 ֆունտ է:

Շոտլանդիայում, Ուելսում և Հյուսիսային Իռլանդիայում նույնպես նկատվում է հիվանդության կտրուկ աճ։

Քննադատները մեղադրում են կառավարությանը․ պետք էր ավելի շատ թեստեր անցկացնել։

Եվրոմիությունը հետաձգել է գագաթնաժողովը, պարզվել է, որ անվտանգության աշխատակիցը, որի հետ շփվել է Եվրոպական խորհրդի ղեկավար Շառլ Միշելը, հիվանդ է COVID-19-ով: Ենթարկվելով Բելգիայում ընդունված կանոններին՝ պաշտոնյան անցել է կարանտին, թեև նրա մոտ վիրուս չի հայտնաբերվել։ Բելգիայում այժմ օրական հազարավոր վարակվածների են հայտնաբերում, հիվանդների ընդհանուր թիվը հասել է 100 000-ի: Ֆրանսիայում ավելի ու ավելի շատ հիվանդներ են տեղափոխվում ինտենսիվ թերապիայի բաժանմունք, աճում է մահացությունը։ Խոշոր քաղաքներում՝ Լիոնում, Մարսելում, Բորդոյում, Նիսում, խստացրել են ռեժիմը։
Երկրորդ ալիքին պատրաստվում է նաև Չեխիան։ Երկուշաբթի այնտեղ հիվանդացել է 1476 մարդ։

Իսպանիան անցել է ամենախիստ կարանտիններից մեկը, և վարակի տարածումը հաջողվել է զսպել: Այժմ հիվանդացածների թիվն ավելի քան 10 000 է, դա վատագույն արդյունքն է Եվրոպայում։ Մահացությունը երկու շաբաթվա ընթացքում աճել է 104%-ով։ Հատկապես տուժել է Մադրիդը։ Այնտեղ պատրաստվում են սահմանափակել հավաքներն ու տեղաշարժը, դա կանդրադառնա մայրաքաղաքի աղքատ շրջանների շուրջ 850 000 բնակիչների վրա։ Հանրային վայրերը կփակվեն երեկոյան ժամը 10-ից, դուրս գալ տնից թույլատրվում է միայն աշխատանքի, դպրոց կամ բժշկի գնացողներին։

Իսպանիայի մայրաքաղաքն աշխարհում ամենաշատ վարակվածն է՝ յուրաքանչյուր 1000 մադրիդցիների համար՝ 30,82 հիվանդ։ 2-րդ տեղում Ստոկհոլմն է՝ մոտ 1 մլն բնակչության համար՝ 26,1։

Ռուսաստանի մայրաքաղաքում իրավիճակը մի փոքր ավելի լավ է. 12,65 մլն բնակչության համար՝ 277,4 հազար վարակվածներ: Այլ եվրոպական մեգապոլիսներում՝ Մադրիդում, Լոնդոնում, Ամստերդամում, Վիեննայում, Բեռլինում և Հռոմում, սահմանափակումների մեծ մասը վերացնելուց հետո, հիվանդացության ցուցանիշները վերադարձան կամ գերազանցեցին մայիսի ցուցանիշները:
Ռեկորդակիր է մնում ԱՄՆ-ն. զոհերի թիվն անցել է 200 000-ի սահմանը։ Սա գերազանցում է Կորեայի, Վիետնամի, Պարսից ծոցի, Աֆղանստանի և Իրաքի պատերազմների ժամանակ երկրի կորուստներին: 2-րդ տեղում Բրազիլիան է՝ 4,5 մլն վարակված, 138 000 մահացած։

Հարավային Ամերիկայի հինգ պետություններ հիվանդացության ցուցանիշով թոփ 10-ում են։
Խիստ սահմանափակումներ առայժմ վճռել է մտցնել միայն Իսրայելը, երկիրը փակվել է մինչև հոկտեմբերի 9-ը: Մնացած բոլորը ամբողջ ուժով փորձում են թույլ չտալ կրկնակի մեկուսացում, քանի որ դա սպառնում է տնտեսությանը։