Կիրակի, 11 ապրիլի, 2021 թ.
|
Ստեփանակերտում`   +11 °C

«Չի ստորագրել, որ կոռուպցիոներներն ու երկիրը թալանածները չկալանավորվեն». Դանիել Իոաննիսյան

«Չի ստորագրել, որ կոռուպցիոներներն ու երկիրը թալանածները չկալանավորվեն». Դանիել Իոաննիսյան
118
Չորեքշաբթի, 24 փետրվարի, 2021 թ., 22:05

«Իրազեկ քաղաքացիների միավորում» ՀԿ հիմնադիր, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Ծանոթացեք՝ Արմեն Վարդանի Սարգսյան,
2002-ից 2007 թվականներին շարունակաբար խախտել է «Քաղաքացիության մասին» օրենքն ու ՀՀ Սահմանադրության 14-րդ հոդվածը՝ ապօրինաբար միաժամանակ լինելով Հայաստանի և Մեծ Բրիտանիայի քաղաքացի:
2013 թվականին խախտել է «Հանրային ծառայության մասին» օրենքն ու, նշանակվելով դեսպան, պետությունից գաղտնի է պահել իր ունեցվածքն ու եկամուտները:
2018 թվականի հունվարին համաձայնել է Սերժ Սարգսյանի մոտ նախագահ աշխատել: Իր ինագուրացիայի ելույթի ամենամեծ հատվածը նվիրել է Սերժ Սարգսյանի գովաբանությանը:
2018 թվականի ապրիլի 17-ին հրաժարվել է դատապարտել ոստիկանության կողմից խաղաղ ցուցարարների դեմ լուսաձայնային նռնակների կիրառումը և, ըստ էության, դատապարտել է հեղափոխությանը հանգեցրած ցույցերը:
2020 թվականին Սահմանադրական դատարան է ուղարկել «Բանկային գաղտնիքի մասին» օրենքը և Հրայր Թովմասանին հնարավորություն տվել խանգարել կոռուպցիայի դեմ պայքարին: Օգնել է, որ երկրից թալանված փողերը գաղտնի մնան:
Այսօր էլ չստորագրելով Սահմանադրական դատարան է ուղարկել Դատական օրենսգրքի փոփոխությունները, որ կոռուպցիոներներն ու երկիրը թալանածները չկալանավորվեն ու շարունակեն ազատության մեջ մնալ»: