«ՊՍԺ»-ը ներկայացրել է Մեսսիի առաջին օրը Փարիզում

«Պարի Սեն-Ժերմեն»-ն Instagram-ում տեսանյութ է հրապարակել, որում երևում է, թե ինչպես է հարձակվող Լիոնել Մեսսին առաջին օրն անցկացրել Ֆրանսիայի մայրաքաղաքում:
Տեսանյութում ցուցադրված է, թե ինչպես է «Բարսելոնայի» նախկին ֆուտբոլիստը վայրէջք կատարում Փարիզում, բուժզննում անցնում, ողջունում թիմի երկրպագուներին, հանդիպում անցկացնում ակումբի ղեկավարության հետ և պայմանագիր կնքում:
Ավելի վաղ հայտնել էինք, որ ֆուտբոլիստի հետ պայմանագիրը նախատեսված է 2 տարով՝ ևս 1-ով երկարաձգելու հնարավորությամբ, իսկ նրա աշխատավարձը կկազմի տարեկան 35 միլիոն եվրո։ Նոր ակումբում՝ հարձակվողը հանդես կգա 30 համարի մարզաշապիկով։