Ճապոնիան աշխատանքով կապահովի ռոբոտներին

Ճապոնիայի կառավարությունն ակտիվացնում է աջակցությունը՝ մի շարք ոլորտներում ռոբոտների ներգրավվածությունն ավելացնելու նպատակով, գրում է bigasia-ն: Հաղորդվում է, կազմակերպությունները ռոբոտներին դիտարկում են որպես աշխատուժի սղության և կորոնավիրուսային համաճարակի դեմ հաղթահարման միջոց, քանի որ ռոբոտները թույլ են տալիս աշխատակիցներին պահպանել ֆիզիկական հեռավորություն: Բացի այդ, ընկերությունները ոչ միայն բարձր տեխնոլոգիական ռոբոտների կարիք ունեն, որոնք կկարողանան բարդ խնդիրներ կատարել, այլ նաև՝ ավտոմատացման հնարավորություն ունեցող աշխատանքային միջավայրի: Այս ամենն իրականություն դարձնելու համար Ճապոնիայի արդյունաբերության նախարարությունը մտադիր է բյուջեից 17 միլիոն դոլար խնդրել: