«Տիգրան Մուկուչյանն ասում է՝ խախտում եղել է, արձանագրել ենք, բայց չի ասում՝ ում կողմից». Վարդևանյան

«Բոլոր այն հարցերում, որտեղ պարոն Մուկուչյանն ուներ հստակ պատասխան, անկեղծորեն ներկայացնում էր, մյուս դեպքերում չէր ներկայացնում»,- ԱԺ ամբիոնից հայտարարեց «Հայաստան» խմբակցության պատգամավոր Արամ Վարդևանյանը:

Հիշեցնենք՝ խորհրդարանը քննարկում է ԿԸՀ գործունեության մասին հաղորդումը:

«Հիմա, ենթադրենք, հարցնում ենք՝ ընթացքում լռության օրն ո՞վ է խախտել ՀՀ-ում, ասում է՝ այո՛, եղել է, արձանագրել ենք, բայց չի ասում՝ ո՞ւմ կողմից»,- հավելեց ընդդիմադիր պատգամավորը՝ շարունակելով. «Դա թույլ էր տվել ՔՊ առաջին համարը զբաղեցնող Նիկոլ Փաշինյանը, ով հանդես էր գալիս նաև որպես վարչապետի պաշտոնակատար»: