«Փորձե՞լ եք պարզել՝ Փաշինյանն ինչո՞ւ չնախաձեռնեց Սիրադեղյանի՝ հայրենիք վերադարձի գործընթացը». լրագրողը՝ Խաչատրյանին

Բարձր տեխնոլոգիաների ու արդյունաբերության նախարար Վահագն Խաչատրյանը, խոսելով Վանո Սիրադեղյանի մասին, ասել է, որ ամեն ինչ անում են՝ նրա հոգեհանգստի, հուղարկավորության արարողությունները բարձր մակարդակով կազմակերպելու համար: Հարցին՝ փորձե՞լ եք պարզել՝ 2018-ից Ն. Փաշինյանն ինչո՞ւ չի նախաձեռնել նրա՝ հայրենիք վերադարձի գործընթացը, ասել է. «Սիրադեղյանը եղել է Նիկոլ Փաշինյանի, իմ ու էլի շատ մարդկանց ընկերը, թե ինչու վերջին տարիներին չի վերադարձել, չեմ կարող պատասխանել, դա ամեն մեկի անձնական որոշումն է»: