Երկուշաբթի, 16 մարտի, 2026 թ.
|
Ստեփանակերտում`   +11 °C

«Ստանում ենք անհանգստացնող նորություններ». Ավանեսյանը՝ Օմիկրոն շտամի մասին

«Ստանում ենք անհանգստացնող նորություններ». Ավանեսյանը՝ Օմիկրոն շտամի մասին
1835
Երկուշաբթի, 29 նոյեմբերի, 2021 թ., 12:42

«Մեր գնահատականներով առաջիկայում կունենանք ցավալիորեն արձանագրված մահվան դեպքերի նվազում»,- ներկայացնելով համաճարակային ներկայիս պատկերը Հայաստանում, ասաց Առողջապահության նախարար Անահիտ Ավանեսյանը:

«Ստանում ենք անհանգստացնող նորություններ, որ վարակը շարունակում է մուտացվել և հայտնաբերվում են նոր շտամեր, որոնք տարբերվում են նախորդներից իրենց տարածման ակտիվությամբ: Վերջին ենթատեսակը հայտնաբերվել է Հարավաֆրիկյան պետությունից՝ կոչվում է Օմիկրոն»,- հայտնեց նախարարը՝ հավելելով, որ շտամը 50 մուտացիա է կրում, որոնցից 30-ը վերաբերվում են վիրուսի սպայկային սպիտակուցին: «Այժմ մանրակրկիտ ուսումնասիրություններ են անցկացվում թե՛ մի շարք երկրներում, և թե՛ ԱՀԿ-ի կողմից, պարզելու համար, թե բացի տարածման ակտիվությունից ինչ այլ առանձնահատկություններ ունի այս նոր շտամը»,- ասաց Ավանեսյանը:

Նրա խոսքով՝ կորոնավիրուսի օմիկրոն շտամի տարածումը նվազեցնելու համար Հայաստանում մի շարք սահմանափակումներ են նախատեսվում: Մասնավորապես, նախատեսվում է որոշ սահմանափակումներ կիրառել տվյալ երկրներից եկող քաղաքացիների համար. Հարավաֆրիկյան Հանրապետություն, Բոդսվանայի հանրապետություն, Լեսոտոյի Թագավորություն, Նամիբիաայի Հանրապետություն, Զիմբաբվեի հանրապետություն, Մոզամբիկ, Մադագասկար, Տանզանիա:

Կարդացե՛ք նաև