Մահացել է Սեյրան Սարոյանը
![]() 331 Շաբաթ, 13 օգոստոսի, 2022 թ., 07:30 Մահացել է գեներալ, ԱԺ նախկին պատգամավոր Սեյրան (Սեդրակ) Սարոյանը։ Նա առողջական խնդիրներ ուներ, տևական ժամանակ բուժվում էր Հայաստանի և արտերկրի բուժհաստատություններում: Սարոյանը մահացել է «Իզմիրլյան» ԲԿ-ում: Սեյրան Սարոյանը ծնվել է 1967թ. սեպտեմբերի 3-ին Էջմիածնի շրջանի Հայկաշեն գյուղում: 1993թ. ավարտել է ՀՀ պաշտպանության նախարարության բարձրագույն ակադեմիական կուրսերը, 1996թ.՝ Հունաստանի ցամաքային զորքերի ակադեմիական դասընթացները, 2001թ.՝ ՌԴ զինված ուժերի գլխավոր շտաբի ռազմական ակադեմիայի ակադեմիական դասընթացները: 2006թ. ավարտել է ՌԴ զինված ուժերի գլխավոր շտաբի ռազմական ակադեմիան՝ «Պետության ռազմական անվտանգություն» մասնագիտությամբ: 1985-1987թթ. ծառայել է խորհրդային բանակում: Ղարաբաղյան շարժման ակտիվ մասնակիցներից է: 1989թ. ստեղծել է կամավորական ջոկատ, պաշտպանել Հայաստանի սահմանամերձ շրջանները, մարտնչել Արցախի ազատագրության համար: Նրա հրամանատարությամբ գործող ջոկատը, հետագայում «Արծվիկ-10» գումարտակը և օպերատիվ խումբը մարտնչել են Քելբաջարի, Կուբաթլիի, Զանգելանի ազատագրման ճակատամարտերում: 1993-2007թթ. եղել է ՀՀ զինված ուժերում գնդի, բրիգադի, բանակային 2-րդ, ապա 4-րդ կորպուսի հրամանատար: 2000թ. նրան շնորհվել է գեներալ-մայորի կոչում: ՀՀ նախագահի կողմից պարգևատրվել է «Արիության մեդալ» (1994թ.), «Մարտական խաչ» երկրորդ աստիճանի (1996թ.) և «Հայրենիքին մատուցված ծառայությունների համար» առաջին աստիճանի (2006թ.) մեդալներով, ՀՀ պաշտպանության նախարարի կողմից՝ «Մարշալ Բաղրամյան» (1997թ.), «Դրաստամատ Կանայան» (2002թ.), «Անբասիր ծառայության համար» առաջին և երկրորդ աստիճանի (2003թ., 2004թ.) մեդալներով: 2007թ. մայիսի 12-ին Ազգային ժողովի պատգամավոր է ընտրվել թիվ 19 ընտրատարածքից: Ամուսնացած էր, ունի երկու երեխա: Սարոյանի հոգեհանգիստը տեղի կունենա վաղը՝ Վաղարշապատում: Հուղարկավորությունն օգոստոսի 15-ին է՝ ծննդավայր Հայկաշենում։ |
Սյունիքի մարզի ՁՊՎ-ում կալանավոր է ինքնասպան եղել
140Երեկ, 23:48Լուգանսկի նախկին քաղաքապետին պայթեցրել է կին մահապարտ-ահաբեկիչը
323Երեկ, 21:50«Ամուսինը հղի կնոջն ու երեխային պատուհանից հանել է, մյուսներին չի հասցրել»․ ականատեսներ (տեսանյութ)
362Երեկ, 16:48Հրդեհները հասել են Անթալիա (տեսանյութ)
352Երեկ, 16:17Չիկագոյում հրաձգության հետևանքով 3 մարդ է զոհվել
356Երեկ, 14:35Կրետեում մոլեգնող հրդեհների պատճառով բնակիչները զանգվածաբար տարհանվում են (տեսանյութ)
526Երեկ, 12:54Բալիի մոտ լաստանավի խորտակման հետևանքով կան զոհեր (տեսանյութ)
312Երեկ, 12:10Թուրքիայի Չեշմե հանգստավայրում հրդեհ է բռնկվել
502Երեկ, 10:46