Մոսկվայում ցուցարարները հարձակվել են ԱՄՆ դեսպան Լին Թրեյսիի վրա

1246

Երկուշաբթի, 30 հունվարի, 2023 թ., 20:30

Երկուշաբթի օրը՝ հունվարի 30-ին, Ռուսաստանում ԱՄՆ-ի նոր դեսպան Լին Թրեյսիի (նախկինում ՀՀ-ում ԱՄՆ դեսպան) վրա մի խումբ մարդիկ են հարձակվել: Նրանք հակաամերիկյան կարգախոսներ են վանկարկել ՌԴ ԱԳՆ շենքի մուտքի մոտ, ուր Թրեյսին եկել էր իր հավատարմագրերը հանձնելու։ Այս մասին հայտնում է «Ամերիկայի ձայնը»։

Հրատարակությունը նշում է, որ չնայած դիվանագիտական որոշ պայմանավորվածություններին, այդ թվում՝ գերիների փոխանակմանը, Ուկրաինա ռուսական ներխուժումից հետո երկրների միջև բարձր մակարդակի շփումները գրեթե ի չիք են դարձել։

«Դեսպան Թրեյսին կենտրոնացած է աննախադեպ լարվածության պահին մեր մայրաքաղաքների միջև երկխոսության պահպանման, Ռուսաստանում կալանավորված ամերիկացի քաղաքացիների շահերի պաշտպանության և ամերիկացի և ռուս ժողովուրդների միջև կապերի ամրապնդման վրա»,- նշել է ՌԴ-ում ԱՄՆ-ի դեսպանատունը: