Հաստատվել է Ուկրաինայում մոտ 15000 ռուս զինվորականի մահվան փաստը

1259

Շաբաթ, 18 փետրվարի, 2023 թ., 19:12

Ուկրաինայի պատերազմում արդեն զոհվել է 14709 ռուս զինվոր, որոնց անունները BBC-ի ռուսական ծառայությանը և Mediazone-ին հաջողվել է հաստատել բաց աղբյուրների հիման վրա։ Նրանց տվյալներով՝ վերջին երկու շաբաթվա ընթացքում մահացությունների թվի աճը 5 անգամ աճել է։ Երկու շաբաթվա ընթացքում լրագրողները պարզել են 1679 մահացածի անուն։ Հաստատված կորուստների այս թիվը նրանք անվանում են ամենամեծ աճը Ուկրաինա ներխուժումից ի վեր։ Զոհերի իրական թիվը միանշանակ ավելի մեծ է, ընդգծում է BBC-ն։

Ուսումնասիրելով իրավիճակն ավելի քան 60 ռուսական բնակավայրերի գերեզմանոցներում՝ լրագրողները կարծում են, որ իրենց ցուցակում մահացածների անուններն առնվազն 2 անգամ ավելի քիչ են, քան իրականում թաղված են Ռուսաստանում։ Ընդհանուր կորուստները, որոնց թվում ներառվում են նաև վիրավորներն ու անհայտ կորածները, կարող են հասնել 133 հազար մարդու։ Վերջին երեք ամիսների ընթացքում մահացածների մեծ մասը մոբիլիզացվածներն են, կամավորները, ովքեր պատերազմի սկսվելուց հետո պայմանագիր են կնքել ՊՆ-ի կամ Ազգային գվարդիայի հետ, և գերիները։