Էկվադորում զինված անձինք ներխուժել են հեռուստաստուդիա, պատանդ վերցրել հաղորդավարներին

Էկվադորում զինված անձինք ուղիղ եթերի ժամանակ ներխուժել են հեռուստաստուդիա և պատանդ վերցրել TC Televisión հեռուստաընկերության հաղորդավարներին, հաղորդում է El Universal-ը:

Նշվում է, որ հանցագործներից մի քանիսը հրազեն են ուղղել լրագրողների վրա, իսկ մյուսները տեսախցիկների առջև ցույց են տվել պայթուցիկ նյութեր:

Որոշ ժամանակ անց հատուկ ջոկատայինները ձերբակալել են հանցագործներին:

Նշենք, որ զինված ապստամբության հետևանքով 10 մարդ է զոհվել, այդ թվում՝ երկու ոստիկան: