«Արևմուտքը թույլ է տալիս Թուրքիային` կրկին վերածվել տարածաշրջանային կայսրության». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Պատմության կրկնության համար Արևմուտքը թույլ է տալիս Թուրքիային կրկին վերածվել տարածաշրջանային կայսրության՝ գլոբալ տերության էլեմենտներով։
Եվ սա ունի տրամաբանված ռազմավարական հենք՝ պատմական այն տարածքում, որտեղ մշտապես Ռուսաստանը եղել է պատերազմների մեջ, կրկին Ռուսաստանին ներքաշել պատերազմի մեջ ու սողացող պատերազմով արնաքամ անել այն աստիճան, որ կրկին գերմանական կամ շվեյցարական քաղաքներից մեկում մի ռուս «մուժիկ» կարմիրը պարզած արշավի դեպի Մոսկվա...
Ռուսաստանն էլ՝ որպես ավանդական ռեակտիվ պետություն, քանի կարող է, համագործակցում է Թուրքիայի հետ, և ուժեղացնում հենց այն Թուրքիային, որը գուցե մի օր տեր կլինի ռուսական արևելյան ու կենտրոնական հողերին, իսկ հյուսիսկովկասյան տարածքներում Թուրքիան արդեն վաղուց «մեծ եղբայր» է դարձել, ի հաշիվ ռուս կաշառակեր դեգեներատ պաշտոնյաների, ովքեր կանխիկով են վաճառում երկրի շահը, դուգինների կեղծ եվրասիականության քողի տակ»: