Բալթիմորում կամրջի փլուզման հետևանքով 6 մարդ է զոհվել

4187

Չորեքշաբթի, 27 մարտի, 2024 թ., 10:36

ԱՄՆ Մերիլենդ նահանգի Բալթիմոր քաղաքում Ֆրենսիս Սքոթ Քիի կամրջի փլուզման հետևանքով, նախնական տվյալներով, զոհվել է 6 մարդ, հաղորդում է NBC News-ը՝ հղում կատարելով Brawner Builders շինարարական ընկերության գործադիր փոխնախագահ Ջեֆրի Փրիցքերին։

Նրա խոսքով՝ 1 մարդու հաջողվել է փրկել։

ԱՄՆ նախագահ Ջո Բայդենը հայտարարել է, որ Սպիտակ տունը հիմքեր չունի ենթադրելու, որ կամրջի փլուզումը կանխամտածված գործողություն է: