Apple-ը ծալվող iPhone կստեղծի

Apple-ն աշխատում է ծալվող iPhone-ի ստեղծման աշխատանքների վրա, որը կարող է թողարկվել արդեն 2026 թվականին։ Հեռախոսը կծալվի հորիզոնական՝ նման Samsung Galaxy Z Flip-ին, հայտնում է The Information-ը։

Սարքի աշխատանքային անվանումն է V68։ Վերջին ամիսներին ընկերությունը դիմել է բաղադրիչների մատակարարներին Ասիայից՝ սմարթֆոնի մասեր արտադրելու խնդրանքով, ասում են աղբյուրները:

Անցյալ տարի Apple-ը հայտնագործել էր ծալովի էկրան, որը կպաշտպանի սմարթֆոնը, եթե այն ընկնի: Հեռախոսի մեջ ներկառուցված սենսորները կհայտնաբերեն, թե արդյոք սարքն ընկնում է բարձրությունից։ Դրանք գործարկվելուց հետո էկրանը կսկսի ծալվել: Սպասվում էր, որ ծալովի էկրանով սարքերը կհայտնվեն արդեն 2024 թվականին։

Հիշեցնենք, որ Samsung-ը ծալովի էկրանով առաջին սմարթֆոնը ներկայացրել է 2020 թվականին։ 2023 թվականին Xiaomi-ն ներկայացրեց իր ծալովի սմարթֆոնի նոր սերունդը՝ Mix Fold 3-ը: