Ամառային զորակոչի անցկացման ժամկետը երկարաձգվեց

Կառավարությունը 2024 թվականի ամառային զորակոչի անցկացման ժամկետը երկարաձգեց մինչև օգոստոսի 15-ը ներառյալ։
Որոշման հիմնավորման համաձայն 2024 թվականի ամառային զորակոչի աշխատանքների ընթացիկ վերլուծության արդյունքում պարզվել է, որ հուլիսի 15-ի դրությամբ զորակոչի ենթակա մեծ թվով քաղաքացիներ դեռևս գտնվում են առողջական վիճակի հետազոտությունների մեջ և ամառային զորակոչն անցկացնելու համար կառավարության որոշմամբ սահմանված ժամկետներում հնարավոր չի լինի ավարտել նշված բոլոր քաղաքացիների հետազոտությունները և բժշկական փորձաքննությունը՝ դրանց արդյունքներով որոշելով նաև զորակոչի ենթակա կամ ոչ ենթակա լինելու հանգամանքը: Ուստի անհրաժետություն է առաջացել զորակոչի անցկացման ժամկետը երկարաձգել 15 օրով՝ մինչև 2024-ի օգոստոսի 15-ը ներառյալ։