«Որոշել են խուճուճ ձևաչափով տանել Հայաստանն ինքնասպանության». Արման Աբովյան

ԱԺ նախկին պատգամավոր Արման Աբովյանի ֆեյսբուքյան գրառումը․ «Հաջորդ շաբաթ մենք հատուկ խումբ կուղարկենք Հայաստան, որը կզբաղվի սահմանային անվտանգության հարցերով։
ԱՄՆ Պետքարտուղար Էնթոնի Բլինքեն
... Թարգմանություն դիվանագիտական լեզվից նորմալ լեզվով։
Հաջորդ շաբաթ Հայաստանի սահմանին պաշտոնապես «կաշխատեն» ԱՄՆ հատուկ ծառայությունները:
Պահը եկել է, որ մի քիչ զոռ տանք մեր ուղեղին և ֆիքսենք հետևյալ իրողությունը՝ դա այն երկրի հատուկ ծառայություններն են, որը պատրաստվում է հարձակվել Իրանի վրա:
Հիմա եկեք բոլորս միասին մտածենք, թե ինչպես կարձագանքեն իրանցիները այն հանգամանքին, որ անմիջապես իրենց սահմանի կարևորագույն հատվածին հայտվելու են ամերիկյան ռազմական գործակալները:
Հը՞ն...
Ես չեմ հասկանում, ինչու ՀՀ իշխանությունները իրենց շինծու ԵՄ հանրաքվեով և ԱՄՆ-ի հետ իբր «ռազմավարական հուշագիր» ստորագրելով որոշել են հենց այսպիսի խուճուճ ձևաչափով տանել Հայաստանը ինքնասպանության»։