«ՆԱՏՕ-ի զինվորները չեն կռվի Ուկրաինայում»․ Լատվիայի արտգործնախարար

Լատվիայի արտգործնախարար Բայբա Բրաժեն հայտարարել է, որ ՆԱՏՕ-ի ռազմական ուժերը պատրաստ չեն մասնակցել Ուկրաինայում ընթացող ռազմական գործողություններին։ Այս մասին գրում է ՏԱՍՍ-ը։

Բայբա Բրաժեն հայտարարել է, որ ՆԱՏՕ-ն ներկայումս պատրաստ չէ պատերազմի մեջ ներքաշվելու, «քանի որ կա հստակ հայեցակարգ՝ աջակցել Ուկրաինայի ինքնապաշտպանությանը, բոլորն ապահովում են այն ամենը, ինչ անհրաժեշտ է, և ոչ ոք չի ցանկանում մասնակցել պատերազմին, կռվել»։

Բրաժեի կարծիքով՝ Ուկրաինայում ԵՄ զորքերի հնարավոր ներկայությունը Եվրոպայի համար կհանգեցներ իրավիճակի սրման, որից Եվրոպան խուսափում է։