«ԵՄ պատժամիջոցները հակասում են միջազգային իրավունքին»․ Պեսկով

Ռուսաստանը շարունակում է անօրինական համարել ԵՄ պատժամիջոցները, հայտարարել է ՌԴ նախագահի մամուլի քարտուղար Դմիտրի Պեսկովը։
Երկուշաբթի ԵՄ դիվանագիտության ղեկավար Քայա Կալլասը պաշտոնապես հաստատել էր, որ ԵՄ-ն համաձայնել է ևս վեց ամսով երկարաձգել Ռուսաստանի դեմ տնտեսական պատժամիջոցները, որոնք Հունգարիան ավելի վաղ սպառնացել էր արգելափակել։
«Մենք շարունակում ենք դրանք անվանել անօրինական սահմանափակումներ, որոնք հակասում են միջազգային իրավունքին»,- ասել է Պեսկովը՝ ի պատասխան հարցին, թե ինչպես է Կրեմլը մեկնաբանում Ռուսաստանի նկատմամբ ԵՄ պատժամիջոցների քաղաքականությունը: