ԵՄ առաքելությունը ևս երկու տարի կմնա հայ-ադրբեջանական սահմանին

Բրյուսելում ԵՄ դեսպանները հաստատել են Հայաստանում ԵՄ քաղաքացիական առաքելության մասին որոշումը, ըստ որի, եվրոպացի դիտորդները կմնան Հայաստանի սահմանամերձ շրջաններում ևս երկու տարի՝ մինչև 2027 թվականի փետրվարի 19-ը։

Որոշման նախագծով դիտորդների կազմն ու թիվը կմնա անփոփոխ՝ 165 օտարերկրյա և 44 հայ անդամ։

Ըստ հայաստանյան առաքելության՝ առաջիկայում այս որոշումը պետք է հաստատվի ԵՄ անդամ երկրների արտգործնախարարների կողմից։

Պաշտոնական հաղորդագրության համաձայն՝ առաքելության դիտորդական գոտին տարածվում է հայ-ադրբեջանական սահմանի ողջ երկայնքով։