«Իրանը հրաժարվում է ԱՄՆ-ի հետ բանակցություններից». Իրանի կառավարության խոսնակ

Իրանի կառավարության ներկայացուցիչ Ֆաթեմ Մոհաջերանին ասել է, որ Թեհրանը հրաժարվում է բանակցել Միացյալ Նահանգների հետ, քանի որ Դոնալդ Թրամփի վարչակազմը պատրաստ չէ հարցերը լուծել դիվանագիտական ​​ճանապարհով, հայտնում է SNN-ը:

«Բանակցությունները ենթադրում են պայմաններ. ուժի լեզուն բանակցային գործընթացի մաս չէ, իսկ հայտարարված «առավելագույն ճնշումը» չի նպաստում բանակցություններին»,- նշել է խոսնակը:

Ավելի վաղ Իրանի նախագահն ասել էր, որ ԱՄՆ նախագահ Դոնալդ Թրամփը խոսում է Իրանի հետ բանակցություններ սկսելու ցանկության մասին, սակայն, միևնույն ժամանակ, նոր դավադրություններ է կառուցում երկրի դեմ: Մասուդ Փեզեշքիանը նշել էր, որ խոսքը «հակաիրանական հրամանագրերի մասին է»:

Հիշեցնենք՝ Թրամփն Իրանի նկատմամբ առավելագույն ճնշում կիրառելու մասին հրամանագիր է ստորագրել՝ նավթի արտահանումը զրոյացնելու, Թեհրանի կողմից միջուկային զենք ձեռք բերելու գործընթացը կասեցնելու նպատակով: