ԵՄ առաջնորդները կհանդիպեն Փարիզում` քննարկելու Ուկրաինայի հարցը. Bloomberg

Եվրոպական մի քանի երկրների, այդ թվում՝ Մեծ Բրիտանիայի և Գերմանիայի, ինչպես նաև Կանադայի ղեկավարները հաջորդ շաբաթ կհանդիպեն Փարիզում՝ քննարկելու իրենց դիրքորոշումն ուկրաինական հակամարտության և դրա կարգավորման վերաբերյալ, հայտնում է Bloomberg-ը՝ վկայակոչելով իրազեկ աղբյուրներին։
«Եվրոպական երկրների առաջնորդները հաջորդ շաբաթ կհանդիպեն Փարիզում՝ քննարկելու Ուկրաինայի վերաբերյալ իրենց դիրքորոշումը և խաղաղ գործընթացի պահանջները… Կմասնակցեն ԵՄ որոշ երկրներ, այդ թվում՝ Գերմանիան, Իտալիան և Լեհաստանը, ինչպես նաև ԵՄ անդամ չհանդիսացող երկրներ, ինչպիսիք են Մեծ Բրիտանիան և Կանադան»,- ասվում է գործակալության հայտարարության մեջ։
Ավելի վաղ Bloomberg-ը հայտնել էր, որ Մեծ Բրիտանիայի վարչապետ Քիր Սթարմերը և Ֆրանսիայի նախագահ Էմանուել Մակրոնը փորձում են ներգրավել 37 երկրների՝ ստեղծելու այսպես կոչված «կամավորների կոալիցիա»՝ պետությունների խումբ, որը պատրաստ է խաղաղապահներ տեղակայել Ուկրաինայում և Կիևին տրամադրել անվտանգության երաշխիքներ։