Երկուշաբթի, 23 փետրվարի, 2026 թ.
|
Ստեփանակերտում`   +4 °C

Բաքուն հերքում է Արարատ Միրզոյանի պնդումները

Բաքուն հերքում է Արարատ Միրզոյանի պնդումները
488
Երեքշաբթի, 25 մարտի, 2025 թ., 23:43

Ադրբեջանի ԱԳՆ-ն հերքում է Հայաստանի արտգործնախարար Արարատ Միրզոյանի այն պնդումները, թե Բաքուն հավելյալ պայմաններ է առաջադրում խաղաղության համաձայնագրի ստորագրման համար։ Այս մասին հայտարարել է Ադրբեջանի ԱԳՆ մամուլի քարտուղար Այհան Հաջիզադեն։

«Մարտի 25-ին Իրանի ԱԳ նախարարի հետ համատեղ ասուլիսում Հայաստանի արտգործնախարար Արարատ Միրզոյանի հայտարարությունները, թե իբր Ադրբեջանը նոր պայմաններ է առաջ քաշել խաղաղության պայմանագրի տեքստի շուրջ համաձայնության գալուց հետո, լիովին անհիմն են»,- ասվում է Հաջիզադեի հայտարարության մեջ, որը տարածել է նախարարության մամուլի ծառայությունը։

Նա նշել է, որ Ադրբեջանի նոր պահանջների մասին հայկական կողմի հայտարարություններն «ուղղված են միջազգային հանրությանը մոլորեցնելուն» և ցանկալի արդյունքների չեն հանգեցնի։ «Եթե Հայաստանը շահագրգռված է խաղաղության համաձայնագրի ստորագրմամբ, ապա պետք է անհապաղ բարեփոխի իր սահմանադրությունը և չխուսափի Մինսկի խումբը պաշտոնապես լուծարելու շուրջ համագործակցությունից»,- հավելել է Ադրբեջանի ԱԳՆ խոսնակը։

Հաջիզադեն ընդգծել է, որ վերջին երկուսուկես տարիների ընթացքում բանակցություններին բարձրացվել է Հայաստանի Սահմանադրության դրույթների բացառման հարցը, որոնք իբրև թե ուղղված են Ադրբեջանի տարածքային ամբողջականության դեմ, ինչպես նաև ԵԱՀԿ Մինսկի խմբի պաշտոնական վերացմանը։ Նրա խոսքով, համապատասխան դիրքորոշումը հայկական կողմին հաղորդվել է դեռևս 2023 թվականի մայիսին Վաշինգթոնում կայացած հանդիպման ժամանակ և հայտնի է երրորդ երկրներին։