«Աշխատում ենք հանքանյութերի նոր համաձայնագրի շուրջ»․ Սիբիգա

2574

Երեքշաբթի, 01 ապրիլի, 2025 թ., 16:33

Ուկրաինան արդեն բանակցություններ է սկսել ԱՄՆ-ի հետ՝ ընդերքի վերաբերյալ նոր համաձայնագրի շուրջ, որն առաջարկել է ԱՄՆ-ն։

Униан-ի փոխանցմամբ՝ այս մասին հայտնել է Ուկրաինայի արտգործնախարար Անդրեյ Սիբիգան։

«Ես հաստատում եմ, որ մարտի 28-ին ԱԳՆ-ն դիվանագիտական ուղիներով ամերիկյան կողմից ստացել է, այսպես կոչված, հանքային ռեսուրսների մասին համաձայնագրի նոր տեքստ»,- ասել է Սիբիգան։

«Մենք կաշխատենք մեր ամերիկացի գործընկերների հետ՝ ստորագրման համար փոխընդունելի տեքստի հասնելու ուղղությամբ»,- ասել է ԱԳՆ ղեկավարը։

Հիշեցնենք, որ ԱՄՆ նախագահ Դոնալ Թրամփն ավելի վաղ հայտարարել էր, թե Ուկրաինայի նախագահ Վլադիմիր Զելենսկին ցանկանում է դուրս գալ օգտակար հանածոների գործարքից։ Թրամփը զգուշացրել էր, որ Զելենսկին «մեծ խնդիրներ» կունենա, եթե դուրս գա գործարքից։