Քաջարանի համայնքապետ Մանվել Փարամազյանն արդարացվեց

Հակակոռուպցիոն դատարանում դատավոր Խաչիկ Ղազարյանն այսօր հրապարակեց Քաջարանի համայնքապետ Մանվել Փարամազյանի և մյուսների գործով դատական վճիռը: Այս մասին հայտնում է «Առավոտ»-ը։

Նախագահող դատավոր Խաչիկ Ղազարյանը հիմնական մեղադրանքներում, որոնք վերաբերում էին խարդախությանը և կաշառք ստանալուն, որոնց հիմքով Մանվել Փարամազյանը ձերբակալվել էր, արդարացրեց նրան և մյուսներին:

Մանվել Փարամազյանը մեղավոր ճանաչվեց միայն յուրացում կատարելու մասով: Նա մի քանի օր բացակայել էր Հայաստանից, բայց գործուղում չէր ձևակերպել և ստացել էր այդ օրերի աշխատավարձը, ինչը մեղադրանքով դիտարկվեց՝ որպես յուրացում:

Դատարանը հաստատված համարեց նաև նրա բացակայության օրերին տարբեր անձանց գործունեությամբ զբաղվելու արտոնագրեր տրամադրելու որոշումները մարդկանց հատկացնելու մեղադրանքը՝ դա գնահատելով որպես պաշտոնական կեղծիք:
Սակայն այդ մեղադրանքով Քաջարանի քաղաքապետը և մյուս մեղադրյալները պատժից ազատվեցին՝ պատասխանատվության վաղեմության ժամկետն անցնելու հիմքով: