«Ճիշտ եմ արել․ ինձ պահել եմ նորմալ հայի նման»․ Տիգրան Տեր-Մարգարյան

«Ես ինձ պահել եմ այնպես, ինչպես յուրաքանչյուր նորմալ հայ մարդ։ Ես վարչական շրջանի ղեկավար լինելուց բացի նաև տղա եմ ու, երբ գալիս հայհոյում, անվայել պահվածք են դրսևորում, այո՛, կարծում եմ՝ ճիշտ եմ արել»,- «ԱրմԼուր»-ի հետ զրույցում ասել է Նոր Նորքի թաղապետ Տիգրան Տեր-Մարգարյանը՝ ի պատասխան հարցին, թե նորմա՞լ է, որ որպես վարչական շրջանի ղեկավար ծեծկռտուքին մասնակցում է՝ բաժանելու փոխարեն։
Հիշեցնենք՝ այսօր թաղապետարանում ծեծկռտուք է տեղի ունեցել բլոգեր Արթուր Չախոյանի և աշխատակիցների միջև, որին մասնակցել է նաև վարչական ղեկավար Տիգրան Տեր-Մարգարյանը՝ բռունցքով հարվածներ հասցնելով բլոգերի դեմքին։
Ավելի ուշ Չախոյանին բերման են ենթարկել, նա ոստիկանական բաժնից շտապօգնության մեքենայով տեղափոխվել է հիվանդանոց: