«Ընդդիմադիր պատգամավորների հայտարարությունները սուտ են». Նարեկ Մալյան

Հասարակական գործիչ Նարեկ Մալյանի ֆեյսբուքյան գրառումը. «Եվս մեկ սուտ, որը հետաքրքիր զուգատիպությամբ իրար հետևից կրկնում են Հայաստան դաշինքի պատգամավորները՝ Աննա Գրիգորյան Tv5-ում մայիսի 2-ին, Ագնեսա Խամոյան Tribune.am-ում մայիսի 3-ին:
Սուտը հետևյալն է՝ 2022 թվականին «Դիմադրության շարժման» ժամանակ անհնար էր նախաձեռնել վարչապետի անվստահության գործընթաց, քանի որ գործում էր վարչապետի անձեռմխելիության մեկ տարվա ժամկետը:
Վիքիպեդիայում դիմադրության շարժման էջում տեսնում ենք, որ շարժումը գործունեություն է ծավալել 2022 թվականի ապրիլից մինչև նոյեմբեր:
Անձեռմխելիության արգելքն այլևս չի գործել 2022 թվականի օգոստոսի 2-ից:
Հետևաբար ընդդիմադիր պատգամավորների հայտարարությունները սուտ են:
Իրականությունը այն է, որ «Դիմադրության շարժման» ընթացքում հանգիստ կարելի էր նախաձեռնել իմպիչմենտի գործընթաց, ինչը անհայտ պատճառներով չի արվել»: