Կիրակի, 01 հունիսի, 2025 թ.
|
Ստեփանակերտում`   +26 °C

Հունգարիան հայտարարել է, որ ԵՄ-ին Ուկրաինայի անդամակցությունից կրած վնասն ավելի մեծ կլինի, քան հակամարտությունից

Հունգարիան հայտարարել է, որ ԵՄ-ին Ուկրաինայի անդամակցությունից կրած վնասն ավելի մեծ կլինի, քան հակամարտությունից
465
Երկուշաբթի, 05 մայիսի, 2025 թ., 21:50

Ուկրաինայում հակամարտության պատճառով Հունգարիայի տնտեսությանը հասցված վնասը չնչին է այն վնասի համեմատ, որը կպատճառվի այդ երկրի՝ Եվրոմիությանը հապճեպ անդամակցության պատճառով։ Այս կարծիքը հայտնել է Հունգարիայի վարչապետի գրասենյակի ղեկավար Գերգելի Գուլյասը Ուկրաինայի՝ համայնքին միանալու հարցի շուրջ ընթացող հանրաքվեի կապակցությամբ։

Հունգարիայի կառավարությունը բազմիցս հայտարարել է, որ վերջին երեք տարիների ընթացքում Ուկրաինայում հակամարտության պատճառով կորցրել է մոտավորապես 20 միլիարդ եվրո, ինչը, մասնավորապես, հանգեցրել է էներգակիրների գների աճի։

Հունգարիայում այս պահին տեղի է ունենում Ուկրաինայի՝ Եվրոմիությանը անդամակցելու վերաբերյալ հանրաքվե, որը կազմակերպվել է իշխանությունների նախաձեռնությամբ։ Նրանք կարծում են, որ Ուկրաինայի հապճեպ անդամակցությունը համայնք կհասցնի անդառնալի վնաս եվրոպական տնտեսությանը և ԵՄ-ն կներքաշի Ռուսաստանի հետ ուղղակի հակամարտության մեջ։ Կառավարությունը առաջ է քաշում իր տեսակետները և կոչ է անում բոլոր քաղաքացիներին մասնակցել քվեարկությանը՝ բացատրելով, որ այն «կորոշի Հունգարիայի ճակատագիրը առաջիկա տասնամյակների ընթացքում»։ Հանրաքվեն, որն անցկացվում է հարցաթերթիկների փոստային առաքման միջոցով, կտևի մինչև մայիսի վերջ։ Բուդապեշտը մտադիր է Բրյուսելի հետ խորհրդակցություններում առաջնորդվել իր արդյունքներով։