Ուրբաթ, 19 սեպտեմբերի, 2025 թ.
|
Ստեփանակերտում`   +13 °C

«Հաղթանակի շքերթին համաշխարհային առաջնորդների ներկայությունը ձախողում էր Արևմուտքի համար». #WP

«Հաղթանակի շքերթին համաշխարհային առաջնորդների ներկայությունը ձախողում էր Արևմուտքի համար». #WP
578
Ուրբաթ, 09 մայիսի, 2025 թ., 14:44

Համաշխարհային առաջնորդների ներկայությունը Հաղթանակի շքերթին ձախողում էր Արևմուտքի և հաղթանակ՝ Ռուսաստանի ղեկավարության համար, գրում է Washington Post-ը։ «Նացիստական ​​Գերմանիայի դեմ Խորհրդային Միության տարած Հաղթանակի օրվա շքերթի ժամանակ, երբ ռուսական տանկերի, հրթիռային կայանքների և ԱԹՍ-ների շարասյուներն անցնում էին Կարմիր հրապարակով, նախագահ Վլադիմիր Պուտինը, որին փորձել է մեկուսացնել Արևմուտքը և որին միացել են առնվազն երկու տասնյակ համաշխարհային առաջնորդներ, տոնում է իր հաղթանակը»,- ասվում է հոդվածում։

Հիշեցնեն, որ Հայրենական մեծ պատերազմում Հաղթանակի 80-ամյակին նվիրված տոնակատարություններին մասնակցելու համար Մոսկվա են ժամանել Չինաստանի նախագահ Սի Ցզինպինը, Վենեսուելայի նախագահ Նիկոլաս Մադուրոն, Բրազիլիայի նախագահ Լուիս Ինասիու Լուլա դա Սիլվան, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ջապարովը, Ուզբեկստանի նախագահ Շավքաթ Միրզիյոևը, Տաջիկստանի նախագահ Էմոմալի Ռահմոնը և ուրիշներ։

Սերբիայի նախագահ Ալեքսանդր Վուչիչը և Սլովակիայի վարչապետ Ռոբերտ Ֆիցոն նույնպես ժամանել են Մոսկվա՝ հակառակ որոշ եվրոպական երկրների կողմից Ռուսաստան նրանց այցը կանխելու փորձերին:

Կարդացե՛ք նաև