Մոսկվայում անվտանգության հարցերով հանդիպմանը ՀՀ-ն կներկայացնի ՌԴ-ում ՀՀ դեսպանը

5398

Կիրակի, 25 մայիսի, 2025 թ., 00:40

Մոսկվայում անվտանգության հարցերով պատասխանատու բարձրաստիճան ներկայացուցիչների հանդիպմանը Հայաստանը կներկայացնի ՌԴ-ում ՀՀ դեսպան Գուրգեն Արսենյանը․ այս մասին «ՌԻԱ Նովոստիին» հայտնել են ՌԴ-ում ՀՀ դեսպանատնից։
Անվտանգության հարցերով պատասխանատու բարձրաստիճան ներկայացուցիչների 13-րդ միջազգային հանդիպումը տեղի կունենա Մոսկվայում 2025 թվականի մայիսի 27-29-ը՝ Ռուսաստանի Դաշնության Անվտանգության խորհրդի քարտուղար Սերգեյ Շոյգուի նախագահությամբ։
«Կլինի ներկայացուցիչ Հայաստանից։ Հայաստանը կներկայացնի դեսպանը», - գործակալությանը հայտնել են Մոսկվայում հանրապետության դիվանագիտական ներկայացուցչությունից։

Ավելի վաղ հաղորդվել էր, որ ՀՀ անվտանգության խորհրդի քարտուղար Արմեն Գրիգորյանը չի մասնակցի Մոսկվայում 2025 թվականի մայիսի 27-29-ը կայանալիք անվտանգության հարցերով պատասխանատու բարձրաստիճան ներկայացուցիչների 13-րդ միջազգային հանդիպմանը: