G7 գագաթնաժողովը կսկսվի հունիսի 16-ին. Kyodo

5904

Հինգշաբթի, 12 հունիսի, 2025 թ., 23:54

G7 գագաթնաժողովի (G7՝ Մեծ Բրիտանիա, Գերմանիա, Իտալիա, Կանադա, ԱՄՆ, Ֆրանսիա և Ճապոնիա) մեկնարկը Կանադայում, որը նախկինում նախատեսված էր հունիսի 15-ին, տեղի կունենա մեկ օր ուշ։ Այս մասին հայտնել է Kyodo լրատվական գործակալությունը՝ հղում անելով կանադացի պաշտոնյայի։

Նրա խոսքով՝ G7-ի առաջնորդները պլանավորում են հանդիպումից հետո հրապարակել «ավելի կարճ, թեմատիկ» հայտարարություններ, քան համապարփակ հռչակագիր։

Ավելի վաղ CTV հեռուստաալիքը՝ հղում անելով Կանադայի կառավարության աղբյուրին, հայտնել էր, որ G7 երկրներից վերջնական հայտարարություն չի սպասվում. փոխարենը, որոշ մասնակիցներ կարող են համատեղ հաղորդագրություններ հրապարակել որոշ հարցերի վերաբերյալ, բայց ոչ ամբողջ օրակարգի վերաբերյալ։

2025 թվականին G7 գագաթնաժողովը պետք է տեղի ունենար հունիսի 15-17-ը Կանանասկիսում։ Գերմանիայի կաբինետի աղբյուրի խոսքով՝ օրակարգում, Ուկրաինայից բացի, կներառվեն էներգետիկ անվտանգության հարցեր, ՆԱՏՕ-ի երկրների կողմից պաշտպանական ծախսերի ավելացում և կարևորագույն հումքի հասանելիություն։