«Իրանի խիստ նախազգուշացումը` Կովկասում միջամտողներին». Փույա Հոսսեինի

«Հայաստան-Իրան զարգացման հիմնադրամ»-ի հիմնադիր Փույա Հոսսեինին լուսանկարներ է հրապարակել ու գրել. «Իրանի խիստ նախազգուշացումը՝ Կովկասում միջամտողներին. Զանգեզուրի միջանցքի հետ կապված պնդման կրկնությունը անպատասխան չի մնա
Իրանի Իսլամական հեղափոխության առաջնորդի խորհրդականը, Հարավային Կովկասում արտաքին դերակատարներին նախազգուշացնելիս, ընդգծել է. «Զանգեզուրի» միջանցքի նման ձախողված ծրագրերի կրկնությունը կբախվի Իրանի ուժեղ արձագանքին։
Իրանի Իսլամական հեղափոխության առաջնորդի միջազգային հարցերով խորհրդական Ալի Աքբար Վելայաթին ասել է. «Մեկ անգամ ևս որոշ հավակնող կառավարություններ, որոնք անտեսում են իրենց երկրի և տարածաշրջանի շահերը, բարձրացրել են «Զանգեզուրի» միջանցքի հարցը և անում են ամեն ինչ՝ Հարավային Կովկասում անօրինական նպատակներ առաջ մղելու համար։ Տարածաշրջանում կամ դրանից դուրս ցանկացած կառավարություն, որը կփորձի կրկնել նախորդ ձախողված փորձը, կբախվի Իրանի կոշտ արձագանքին»։