«Իրանը պատրաստ է աջակցել Լիբանանին»․ Լարիջանի

Իրանի Ազգային անվտանգության գերագույն խորհրդի քարտուղար Ալի Լարիջանին «Հեզբոլլահ»-ի գլխավոր քարտուղար Նաիմ Քասեմի հետ հանդիպման ժամանակ հայտարարել է, որ Իրանը պատրաստ է աջակցել Լիբանանին և նրա Դիմադրության շարժմանը բոլոր մակարդակներում։

Լարիջանին ընդգծել է, որ այս հայտարարությունն արվել է Իրանի գերագույն առաջնորդի առաջարկություններին համապատասխան։

Իր հերթին Նաիմ Քասեմը նշել է, որ Լիբանանը ցուցաբերում է անսասանություն ԱՄՆ-ի և Իսրայելի կոչերի և սպառնալիքների դեմ, և «Հեզբոլլահ»-ը պատրաստ է համագործակցել նրանց հետ, ովքեր դեմ են Իսրայելին։