Երկուշաբթի, 15 հունիսի, 2026 թ.
|
Ստեփանակերտում`   +21 °C

Հայ գեղասահորդները հեռացրել են «Արցախ» անվանումը իրենց կարճ ծրագրից Ադրբեջանի բողոքից հետո

Հայ գեղասահորդները հեռացրել են «Արցախ» անվանումը իրենց կարճ ծրագրից Ադրբեջանի բողոքից հետո
9988
Երեքշաբթի, 10 փետրվարի, 2026 թ., 00:52

Հայաստանցի գեղասահորդներ Կարինա Ակոպովան և Նիկիտա Ռախմանինը հեռացրել են «Արցախ» կոմպոզիցիայի հիշատակումն Իտալիայում ընթացող ձմեռային օլիմպիական խաղերի իրենց կարճ ծրագրից՝ Ադրբեջանի Ազգային օլիմպիական կոմիտեի (ԱՕԿ) բողոքից հետո։
Ավելի վաղ Ադրբեջանի ԱՕԿ-ը բողոք էր ներկայացրել Ակոպովայի և Ռախմանինի կողմից Արա Գևորգյանի «Արցախ» երգի օգտագործման դեմ։ Ադրբեջանական կողմի պնդմամբ՝ երգը քաղաքական և անջատողական ենթատեքստ ունի, քանի որ «Արցախը Լեռնային Ղարաբաղի հայկական անվանումն է»։
Միջազգային չմշկասահքի միության (ՄՉՄ) պաշտոնական կայքում Ակոպովայի և Ռախմանինի թարմացված էջում կարճ ծրագրի երգի վերնագիրը փոխվել է «Երաժշտությունը՝ Արա Գևորգյանի»։ Զույգերի կարճ ծրագրերը կկատարվեն փետրվարի 15-ին։