«Երկու կողմից էլ փոխադարձ մեղադրանքներ էին հնչում՝ գումար հափշտակելու վերաբերյալ». Շիրղոլամի

Շարունակելով անդրադառնալ ԲՀԿ առաջնորդ Գագիկ Ծառուկյանի գործի վերաբերյալ հարցին՝ ՀՀ-ում ԻԻՀ դեսպան Խալիլ Շիրղոլամին ասաց. «Հայ-իրանական առևտրի կենտրոնի ստեղծման աշխատանքներում ներգրավված էին և ուղղակիորեն աջակցում էին պրոյեկտին՝ թե դեսպանատունը, թե դեսպանն անձամբ հետամուտ էր լինում որոշ հարցերի լուծմանը, ինչպես նաև իրանցի գործարարներն ու պարոն Ծառուկյանը: Հենց գույքն էլ, այսինքն՝ այդ տարածքն էլ, որ նախատեսված էր առևտրի կենտրոնի կառուցման համար, պատկանում էր պարոն Ծառուկյանին: Լավ համագործակցություն ձևավորվեց: Ցավոք, հետագայում առևտրային որոշակի տարաձայնություններ առաջացան կողմերի միջև ու նրանք դադարեցրեցին համագործակցությունը: Երկու կողմից էլ փոխադարձ մեղադրանքներ էին հնչում՝ գումար հափշտակելու վերաբերյալ»: