«Դուք չունեք ոչ մի գաղտնիք․ այդ գաղտնիքները ազնիվ խոսքի վրա են, որ «հորս արև», հավատացեք՝ չգիտենք»․ Նիկոլ Փաշինյան

«Այն, որ ընդհանուր հավաքված ինֆորմացիան չարամտության դեպքում կարա օգտագործվի պետության և ժողովրդի դեմ, բացարձակապես ոչ մեկին չի հետաքրքրում։ Հենց որ իր պետությունն ասում է՝ գիտեք ինչ, այս մաքսանենգությանը պետք է վերջ տրվի, ասում են՝ հոպ, անձնական տվյալներ են»,- այս մասին այսօր Կառավարության նիստում նշեց վարչապետ Նիկոլ Փաշինյանը։

«Էս ի՞նչ հակասություն է, չեմ հասկանում։ Ես պաշտոնապես ասում եմ՝ բոլորիդ բոլոր անձնական տվյալներն ինչ-որ մի տեղ կուտակվում են, դուք ոչ մի գաղտնիք չունեք։ 21-րդ դարում դուք չունենք ոչ մի գաղտնիք, այդ գաղտնիքները ազնիվ խոսքի վրա են, որ «հորս արև», հավատացեք, ո՛չ ձեր մեսիջները, ո՛չ ձեր ձայնային հաղորդագությունները, ո՛չ ձեր երաժշտության նախընտրությունները, ո՛չ ձեր սննդի նախընտրությունները, ազնիվ խոսք, «պապայի արև» մենք ընդհանրապես չգիտենք»,- հավելեց Փաշինյանը։